Багшийн тухай

Чүлтэмжамцын Энхбаяр нь боловсролын салбарт сургалтын хөтөлбөр боловсруулах, бодлого тодорхойлох болон цахим шилжилтийг удирдах чиглэлээр 14 гаруй жил ажиллаж буй эрч хүчтэй судлаач, шинийг санаачлагч юм. Тэрээр хиймэл оюун ухаан болон EdTech-ийн мэргэжилтний хувьд хиймэл оюунд суурилсан сургалтын арга барилыг нэвтрүүлж, багш болон суралцагчдад ирээдүйн чадварыг эзэмшүүлэх чиглэлээр түүчээлэн ажиллаж байна. Өдгөө Гёте Интернэшнл сургуулийн Кембрижийн хөтөлбөрийн зохицуулагчаар ажиллаж, олон улсын хөтөлбөрийн хэрэгжилт болон ахлах ангийн сурагчдын коллежийн зөвлөх үйлчилгээг мэргэжлийн түвшинд хариуцаж байна. Австралийн Засгийн газрын тэтгэлгээр Аделеидын Их Сургуульд боловсролын магистрын зэрэг хамгаалсан тэрээр Боловсрол, Шинжлэх Ухааны Яаманд мэргэжилтнээр ажиллаж, боловсролын стратегийн төлөвлөлтөд үнэтэй хувь нэмэр оруулсан туршлагатай. Энхбаяр нь ЮНЕСКО-ийн судалгааны тэтгэлэгт хөтөлбөрт хамрагдаж, Google-ийн гэрчилгээтэй сургагч багшаар ажиллахын зэрэгцээ олон улсын байгууллагуудтай бодлогын түвшинд хамтран ажилладаг. "Англи хэл сурах аяллын хөтөч" номын зохиолч тэрээр хиймэл оюун ухааныг ашиглан бичиг үсгийн боловсролыг дэмжих чиглэлээр тууштай ажиллаж буй мэргэжилтэн бөгөөд уламжлалт сургалтыг ирээдүйн технологитой холбох гүүр болон ажиллаж байна.