Монгол Улсын Хөгжлийн банк

Монгол Улсын Хөгжлийн банк (МУХБ) 2011 оны 05 дугаар сарын 12-ны өдөр албан ёсоор нээлтээ хийж үйл ажиллагаагаа эхлүүлсэн.

Монгол Улсын Хөгжлийн банкны үйл ажиллагаа нь Монгол Улсын Хөгжлийн банкны тухай хууль, Компанийн тухай хууль, холбогдох бусад хууль тогтоомжийн дагуу зохицуулагддаг. Хөгжлийн банк нь үндэсний эдийн засгийн тогтвортой өсөлтийг хангах тэргүүлэх салбаруудад хэрэгжих төсөл, хөтөлбөрийг санхүүжүүлэх, импортыг орлох, экспортын орлогыг нэмэгдүүлэх үйлдвэрлэлийг хөгжүүлэхэд шаардлагатай хөрөнгийн эх үүсвэрийг бүрдүүлэх зорилготой Банк бөгөөд үйл ажиллагаандаа компанийн сайн засаглалын дараах зарчмыг баримталдаг. Үүнд:

• ашигтай ажиллах

• үйл ажиллагаагаа тогтвортой явуулах

• хараат бус байх, ил тод байх

• хариуцлагатай байх, хамтын удирдлагад үндэслэсэн байх

• хараат бус хөндлөнгийн хяналттай байх