ЕСМ Биллинг Төв

ЕСМ ХХК нь 22 дахь жилдээ мэдээлэл технологийн чиглэлээр үйл ажиллагаа эрхэлж байгаа бөгөөд өнгөрсөн хугацаанд Банк болон ББСБ, Гааль, Нийгмийн даатгал, Үнэт цаас,  их дээд дунд сургуулийн систем, цахилгаан борлуулалтын бүртгэл тооцоо мэдээллийн EDiMIS, ус дулааны борлуулалтын ABIS зэрэг 10 гаруй салбарын мэдээллийн системийг боловсруулсан туршлагатай. Эдгээр системүүдээс ECM Биллинг Төв ХХК нь EDiMIS, ABIS болон тэдгээрийн хэрэглэгчлдэд зориулсан гар утасны Bill Center Апп-уудыг үргэлжлүүлэн хөгжүүлэн ажиллаж байна.

ЕСМ Биллинг Төв ХХК нь үндсэн системүүдээ хариуцсан инженерүүд, борлуулалтын багийн хамт олныг оролцуулан шинээр бүтэц зохион байгуулалтад орж ажиллаж байгаа бөгөөд дунджаар 8 жилээс дээш мэргэжлээрээ ажилласан туршлагатай, нийт 20 ажилтантай хамт олон юм.

                Одоогийн байдлаар үндсэн борлуулалтын системүүдийнхээ цар хүрээ, харилцагчдыг тэлэх, тэдгээрийн сайжруулалтуудыг хийхээс гадна Bill Center гар утасны апп-г ребрэндинг хийж, backend-ийн хамт шинэ технологиуд ашиглан нэмэлт сайжруулалтуудыг тусган шинээр хөгжүүлж байна. Үндсэн системийг Billing Center гэж нэрлэж нэг талаас хэрэглэгчдийн бүх төрлийн биллингийн мэдээллийг цуглуулж, боловсруулах, нөгөө талдаа бүх төрлийн боломжит сувгуудаар төлбөрийг төлүүлэх нээлттэй, уян хатан платформ байдлаар хөгжүүлж байна.

                BillCenter платформ нь 21 аймаг болон Улаанбаатар хотод өөрсдийн хөгжүүлж нийлүүлсэн 80 гаруй, бусад 128, нийтдээ 210 орчим цахилгаан, ус дулаан болон СӨХ-н үйл ажиллагаа явуулж буй биллер байгууллагуудын хэрэглэгчдийн хэрэглээний биллийг цуглуулах чадамжтай систем юм.

Манай компанид орж ажилласнаар дараах давуу талуудыг танд өгөх болно. Үүнд:

• Нийт 700 мянга гаруй эцсийн хэрэглэгчидтэй, томоохон системүүд дээр ажиллаж, өөрийн мэдлэг болоод ур чадвараа сайжруулах.

• Эрч хүчтэй, найрсаг хамт олон, дэвшилтэт шинэлэг технологиуд дээр, тав тухтай орчинд ажиллах.

• Өөрийгөө сорьж, олон талаар хөгжих боломжтой.

• Уян хатан ажлын цагийн хуваарьтай.

• Ур чадвараа дагаад, цалин нэмэгдэх боломж

Agile Scrum хөгжүүлэлтийн арга барил доор төлөвлөгөөт хөгжүүлэлтийн ажлууд дээр багаар ажиллах.

Хөгжүүлэлтийн орчин, технологиуд:
AWS, Kubernetes, Docker, Gitlab, CI/CD Pipeline, Microservices, Kafka, Celery, Python Django, PostgreSQL, ReactJS, React Native, C#, MSSQL, Stored Procedure, Node.js, ASP.NET...