Astvision

Аствишн компани нь 2007 онд байгуулагдсан бөгөөд мэдээллийн технологийн салбарт тасралтгүй 17 дахь жилдээ үйл ажиллагаа явуулж байна.

Бидний хэрэгжүүлсэн томоохон төслүүдэд E-Mongolia.mn, ТҮЦ машин, 11-11.mn, my.tog.mn, smartcar.mn, autoland.mn, telcocom.mn зэрэг улсын хэмжээнд амжилттай нэвтэрч хэрэглэгчдийн талархлыг хүлээсэн төслүүд багтдаг.

Манай компани байгуулагдсан цагаасаа хойш салбартаа тэргүүлэх байр суурийг эзэлж, хэрэглэгчид болон мэргэжлийн байгууллагуудын итгэл, хүндэтгэлийг хүлээсээр ирлээ. Бидний хичээл зүтгэл, өндөр стандарт, инновацад хандах чин хүсэл эрмэлзэл маань үндэсний хэмжээнд өндөр үнэлэгдэж байна.

Манай компани дараах нэр хүндтэй шагналуудыг хүртсэн:

• Монгол Улсын Татварын албаны "Тэргүүний татвар төлөгч" болон "Хөх дэвтэр" шагнал: 2010 онд тэргүүний татвар төлөгч, 2014 онд татварын албаны дээд шагнал болох "Хөх дэвтэр"-ийн эзнээр тус тус шалгарсан нь бидний татварын өмнө хүлээсэн үүрэг, хариуцлага, амжилтыг илэрхийлж байна.

• ICT Expo Awards: 2013 онд "1111 төвийн систем" хамгийн хүртээмжтэй үйлчилгээ, "ТҮЦ машин" оны шилдэг бүтээгдэхүүнээр, 2015 онд MY.TOG.MN оны шилдэг бүтээгдэхүүнээр, 2018 онд SMARTCAR оны шилдэг үйлчилгээгээр, 2021 онд Digital Nation21 E-Mongolia төсөл цахим хөгжилд хувь нэмэр оруулсан шилдэг байгууллагаар тус тус шалгарсан. Эдгээр нь манай хамт олны ажлын чанар, шинэлэг байдлыг илтгэх салбарын чухал шагналууд юм.

• Голомт банкны "Шилдэг инноваци" шагнал: Бид 2023 онд Голомт банкнаас жил бүр зохион байгуулдаг "BUSINESS CONFERENCE" арга хэмжээн дээр Шилдэг инноваци нэвтрүүлэгч компаниар шалгарсан.

Эдгээр шагнал, амжилтууд нь бидний үйл ажиллагаа, үйлчилгээний чанарыг бататгахын зэрэгцээ хамт олны маань тасралтгүй хөдөлмөр, хичээл зүтгэлийн үр дүн юм. Цаашид ч бид хэрэглэгчдэдээ илүү их үнэ цэнийг бий болгох, салбартаа манлайлах, нийгмийн хариуцлагаа ухамсарлан шинэ амжилтыг бүтээхийн төлөө эрч хүчтэйгээр ажиллах болно.