Капитрон банк

Капитрон банк мэргэжлийн өндөр ур чадвартай боловсон хүчинг олон жилийн ажлын туршлагатай шилдэг удирдлагаар удирдуулан орчин үеийн мэдээллийн техник технологийг банкны үйлчилгээнд нэвтрүүлэх стратеги баримтлан ажилласнаар Монгол улсын банк санхүүгийн зах зээлд орчин үеийн банкны дүр төрхийг анхлан бий болгосон юм.

Нэрний утга

Энэ нь “Капитал”, “Электрон” хэмээх хоёр үгний хослолоос бүрдсэн товчилсон үг бөгөөд “Хөрөнгийг мэдээллийн технологиор удирдах” гэсэн утгатай.

Логоны тайлбар

Мөнгөний нэгжийг зоосны хэлбэрээр илэрхийлэн зохиогдсон тус лого нь санхүүгийн тогтвортой урсгалыг бий болгож, салбартаа тэргүүлэх олон талт үйлчилгээг хүргэхийн зэрэгцээ хамтын ажиллагааг эрхэмлэн дээдэлж, харилцагч таны итгэлийг хүлээж ажиллана гэсэн утгыг илэрхийлнэ. Түүнчлэн дөрвөн ижил дүрс эвлэлдэн орсон нь “эрүүл хөрөнгө, мөнх эргэлдэх”, хэлхсэн гинж нь “хамтын ажиллагаа, итгэлцэл, бат бэх, тогтвортой” гэсэн утга бэлгэдлийг илэрхийлдэг бол зоос атгаж буй мэт гар нь “эд баялгийг арвижуулан, найдвартай хадгална” гэсэн бэлгэдэл санааг агуулдаг ажээ.

Шинийг эрэлхийлэгч, манлайлагч, хариуцлагатай, эрч хүчээр дүүрэн залуус Та бүхэнд Монгол улсын санхүүгийн зах зээлд тогтвортой үйл ажиллагаа явуулж, хамгийн хурдацтай өсөж байгаа Капитрон банканд ажиллах үүд хаалга үргэлж нээлттэй байх болно.

Капитрон банканд ажилласнаар...

• Банкны зардлаар сургалтанд хамрагдах, өөрийгөө хөгжүүлэх боломж;

• Богино хугацаанд ур чадвараа харуулах,  карьер ахих боломж;

• Мэргэжил дээшлүүлэх сургалтанд хамрагдахдаа цалинтай чөлөө авах боломж;

• Төрсөн өдрийн цалинтай амралт бусад нэмэлт хангамжууд;

• Хотын төвийн тохилог оффис;

• Уян хатан цагаар ажиллах боломж;

• Найрсаг хамт олон, мэргэжлийн, өндөр боловсролтой удирдлага, өөрийгөө сорих, өгч хөгжих боломж;

• Гүйцэтгэлээс хамаарсан урамшуулалт цалин;