Сэнд Эм Эн ББСБ ХХК

”Сэнд Эм Эн ББСБ” ХХК нь анх 2016 онд зээлийн үйлчилгээгээр бизнесийн гараагаа эхэлж байсан бол 2017 онд дэлхий даяар тархан суурьшсан Монголчууддаа хүссэн үедээ бага зардлаар, хурдан шуурхай мөнгөн гуйвуулгын үйлчилгээг авах боломжийг олгох зорилгоор уламжлалт мөнгөн гуйвуулгыг орчин үеийн мэдээллийн технологийн шийдэлтэй хослуулан ”SendMN” аппликейшнийг хөгжүүлэн 2020 оны lV-p улирлаас зах зээлд амжилттай нэвтрүүлэн ажиллаж байна.

Өдгөө бид Зээл, Валют арилжаа, Мөнгөн гуйвуулга, Итгэлцлийн үйлчилгээний тусгай зөвшөөрлийн хүрээнд харилцагчдадаа үйлчилж байгаа бөгөөд өнөөдрийн байдлаар манай компани өөрийн салбар төвүүд болон ”SendMN” аппликейшнаараа дамжуулан 100,000 гаруй харилцагчдад дэлхийн 160 гаруй орон руу мөнгөн гуйвуулга илгээх болон хүлээлгэн өгөх үйлчилгээг хүргээд байна. Үүний хүрээнд 2022 оны 4-р сард ”Сэнд Эм Эн ББСБ” ХХК-ний "Төлөөлөн Удирдах Зөвлөл"-г байгуулж, 2022 оны lV-p улирлаас Олон Улсын Мэдээллийн аюулгүй байдлын менежментийн тогтолцооны ISO27ОО1:2О1З стандартыг өөрийн бизнесийн үйл ажиллагаандаа нэвтрүүлээд байна.

Бид Монгол улсынхаа үсрэнгүй хөгжилд хувь нэмрээ оруулсан, нийгмийн хариуцлагаа хэрэгжүүлэгч, компанийн сайн засаглалыг бэхжүүлсэн олон улсын түвшинд өрсөлдөхүйц мөнгөн гуйвуулгын компани байх зорилгынхоо төлөө хичээнгүйлэн урагшилж байна.