"Космо трейд" ХХК

Космо Трейд ХХК нь 1993 онд үүсгэн байгуулагдсан бөгөөд өргөн хэрэглээний бараа бүтээгдэхүүний импорт, бөөний худалдааны чиглэлээр үйл ажиллагаагаа явуулж эхлэсэн.

Бид АНУ, Европ, Азийн орнуудын дэлхийд өрсөлдөхүйц брэнд бүтээгдэхүүнийг Монголын FMCG зах зээлд нийлүүлээд зогсохгүй, өргөн хэрэглээний импортын бараа бүтээгдэхүүний салбартаа тэргүүлэгч, үндэсний ууган импортлогч компаниудын нэг юм.

Хэрэглэгчийн хүсэл сонирхол, хэрэгцээ шаардлага өдөр өдрөөр өөрчлөгдөн хувьсаж буй энэ цаг үед бид “Өдөр бүр өвөрмөц хэрэглээ” уриан дор хэрэглэгчийн эрэлт хэрэгцээг судалж түүнд нь тохирсон өргөн хэрэглээний бараа бүтээгдэхүүн нийлүүлэхийг үндсэн зорилтоо болгон ажиллаж байна. 

Космо трейд ХХК нь Монгол улсын хууль журам, шаардлага болон олон улсын стандартыг байгууллагынхаа бүхий л үйл ажиллагаанд мөрдөн ажилладаг. Бид бүтээгдэхүүнийг импортлон оруулж ирэхээс эхлээд бараа бүтээгдэхүүний хадгалалт, тээвэрлэлтийн горимыг чанд мөрдөн, бүтээгдэхүүний чанарыг алдагдуулалгүй хурдан шуурхай хэрэглэгчдийн гарт хүргэдэг.

Цаашид өрхийн хэрэглээ болон түргэн хоол үйлдвэрлэл, ресторан, лоунж зэрэг бүх төрлийн үйчилгээний байгууллагуудын хэрэгцээнд тулгуурлан чанарын шаардлага хангасан бүтээгдэхүүн нийлүүлэх, хэрэглэгч, харилцагч, ханган нийлүүлэгчдийн хамтын ажиллагааг өргөжүүлэн хөгжүүлж, Монголын зах зээлд тэргүүлэгч, нийгмийн хариуцлагатай байгууллага байхыг зорин ажиллаж байна.