чингис хаан үндэсний музей

Чингис хаан Үндэсний музей нь 2019 онд Ерөнхий сайд У.Хүрэлсүхийн

шийдвэрээр байгуулагдсан. Тус музейд нүүдэлчдийн анхны төрт

улс Хүннүгийн эзэнт улсыг үндэслэгч Модун шаньюйгаас эхлээд ХХ

зууны эхэн хүртэлх Монголын төрт улсуудын хаад, язгууртны үйл

ажиллагааг, эдэлж хэрэглэж байсан эд өлгийн зүйлс, томоохон

бодит үйл явдлыг харуулах 10000 гаруй эх үзмэрийг орчин үеийн

дэвшилтэт технологи болох АR, QR, VR, интерактив, видео зэрэг

техник технологи, уран зураг, гар зураг, баримал, дархны урлал,

оёдол, хатгамал, макетаар дэглэн үзүүлж байна. Байнгын болон түр

үзэсгэлэн, үзүүллэгийн 8 танхим, панарома дэлгэцтэй, 3D анимейшн

бүхий виртуал өрөө, сан хөмрөгийн 6 танхим, лабораторийн өрөө,

сэргээн засварлалтын өрөөтэй. Хурлын их, бага танхим, номын

сан, уншлагын танхим, музейн боловсрол олгох сургалтын өрөө,

кофе шоп, музейн бэлэг дурсгалын дэлгүүртэй. Дэргэдээ эртний

нүүдэлчдийн хөгжмийн зэмсгээс бүрдсэн “Хаан найрал” чуулгатай.

Орчин үеийн дэлхийн музейн стандарт шаардлага, аюулгүй

байдлыг бүрэн хангасан бөгөөд нэг удаа 450-500 үзэгч хүлээн

авах хүчин чадалтай.