Сетунари Групп ХХК

Монгол улсын орчин цагийн бүтээн байгуулалтын хөгжилд өөрсдийн хувь нэмрийг сэтгэл шингээн оруулах зорилготойгоор 2023 оноос бид үйл ажиллагаагаа өргөжүүлэн, группийн тогтолцоо руу шилжсэн. Бид эрүүл мэндийн салбар, тээвэр логистикийн салбар мөн барилгын салбарт тогтвортой үйл ажиллагаа явуулаад 15 жилийг үдсэн байна.

Бидний хамт олон салбартаа өндөр дадлага туршлага бүхий инженер техникийн ажилтнууд, мөн мэдлэг ур чадвар сайтай, мэргэжлийн зэрэгтэй хүний нөөцөөр багаа бүрдүүлэн ажиллаж байна.

Барилгын салбарын хүндрэл бэрхшээлтэй сүүлийн хэдэн жилүүдэд бид тогтвортой байдлын менежментийг хэрэгжүүлж, ажлын байрыг хадгалах бодлого барьж ажилласны үндсэн дээр инженер техникийн ажилтнуудынхаа тоог тасралтгүй өсгөн нэмэгдүүлж, тэдгээрийн сурч боловсрох, өөрийгөө хөгжүүлэхэд нь голлон анхаарсан.

Бид барилгын салбарт манлайлдаг ОХУ, ХБНГУ болон Австри улсын зөвлөх инженерүүдтэй байнгын нягт хамтын ажиллагаатай бөгөөд Европын өндөр чанар, технологи бүхий барилгын стандартыг Монгол улсад нутагшуулахыг зорьж, тэдгээрийг бүтээн байгуулах чадварлаг, мэргэшсэн инженерийн багаар ажиллаж байна.

Эх орныхоо бүтээн байгуулалтын хөгжлийг дэлхийн жишигт хүргэх их ажилд Сетунари Групп ХХК-ийн чадварлаг залуус өөрийн хувь нэмэр, хичээл зүтгэлээ оруулж, салбарын өртөөлөх түүхийн ачаанаас өргөлцөж яваадаа баяртай байдаг.

• Алсын хараа

  Олон улсын стандартаар баталгаажсан, дэлхийд тэргүүлэгч технологийн хөгжил, инновацын шинэлэг шийдлийг эрүүл мэндийн салбарт эн тэргүүнд нэвтрүүлж, хүн бүр эх орондоо эрүүл, аюулгүй аж төрөх боломж нөхцөлийг бүрдүүлнэ.

• Эрхэм зорилго

  Технологийн чанар, найдвартай байдлын төсөөллийг тодорхойлогч, тасралтгүй хангагч, үндэсний техник сэтгэлгээний чадамжийг бүтээх түүчээлэгч байна.

• Уриа

  Илүү чанарыг Танд